«Այրած» շաքարը՝ հազի դեմ. 168.am

Հազն ամենահաճախ հանդիպող ախտանիշներից է: Այրած շաքարը կարող է հանգստացնել լորձաթաղանթի բորբոքումը, այն նաև օգտագործվում է երեխաների կոկորդի ցավը հանգստացնելու համար: Կարող եք շաքարային կոնֆետներ պատրաստել, սակայն առաջարկում ենք մեկ այլ՝ ավելի համեղ տարբերակ:

Իհարկե, ուժեղ հազի դեպքում հարկ է դիմել բժշկի, սակայն հազի սկզբնական շրջանում առաջարկում ենք օգտագործել արդյունավետ միջոց, որը կհանգստացնի հազն ու կոկորդի բորբոքումը:

Բաղադրություն.

• 1 թ/գ այրած շաքար,
• 200 մլ կաթ,
• 2 բանան:

Սովորական շաքարը տաքացրեք գդալի մեջ: Երբ շաքարի բյուրեղները հալվեն, և մասսան խտանա, շաքարը լցրեք կաթսայի մեջ, վրան տաք կաթ լցրեք: 2 հասած բանանը մաքրեք, մանրացրեք բլենդերով կամ պատառաքաղով: Բանանն ավելացրեք տաք կաթին: Ամբողջ խառնուրդը հասցրեք եռման, լավ խառնեք: Կաթը վերցրեք կրակից: Օգտագործելուց առաջ մի փոքր տաքացրեք և խմեք: Այսպես պատրաստված շաքարն ունի խորխաբեր ազդեցություն, այն նաև օգնում է օրգանիզմին պայքարել բորբոքային գործընթացների դեմ:

Հարցեր, պատասխաններ, մեկնաբանություններ